Жыве ў вяках беларускае слова
Дзень беларускага пісьменства – значная падзея ў культурным жыцці краіны, бо далучае людзей да духоўных каранёў, яднае народ і выклікае гонар за тое, што мы – беларусы.Традыцыйна свята ладзяць у гарадах, якія з’яўляюцца гістарычнымі цэнтрамі культуры, асветы і кнігадрукавання. На Гомельшчыне яго прымалі Тураў (1995,2004), Хойнікі (2010), Рагачоў(2016), Добруш(2022).
Да гэтай падзеі ў сярэдней школе № 2 г.Ельска падрыхтавана экспазіцыя “Жыве ў вяках беларускае слова”, якая аб’ядноўвае выставы “Краіна Букварыя”(калекцыя буквароў з 1985 года выдання), “Лаўрэаты літаратурнай прэміі імя К.Тураўскага”,” Вытокі славянскага пісьментсва”
(храналогія гарадоў, якія прымалі гасцей і ўдзельнікаў Дня беларускага пісьменства).
У 2023 годзе ХХХ культурны форум прымае г. Гарадок Віцебскай вобласці.Непадалёку ад яго нарадзіўся К.Вераніцын-аўтар вядомай сатырычна-гумарыстычнай паэмы “Тарас на Парнасе”.
